Բայդենը հեռացվել է ընտրություններից Դեմոկրատական կուսակցության ներսում հեղաշրջման միջոցով. Թրամփ
ԱՄՆ գործող նախագահ Ջո Բայդենը հեռացվել է ընտրություններից Դեմոկրատական կուսակցության ներսում հեղաշրջման միջոցով։ Այսպիսի հայտարարություն է արել ԱՄՆ նախկին առաջնորդ Դոնալդ Թրամփը Fox News-ին տված հարցազրույցում.
«Դա հեղաշրջում էր նախագահին տապալելու համար... Նա ուներ 14 միլիոն ձայն փրայմերիզում... և նրան դուրս շպրտեցին: Ասել են՝ կա՛մ հիմա գնացեք, կա՛մ սա դժվարին ճանապարհով կանենք»,- ասել է նա։
Բացի այդ, Թրամփը հավելել է, որ բարձր կարծիք չունի նախագահի նոր թեկնածու Քամալա Հարիսի մասին։ ԱՄՆ նախկին նախագահի խոսքով` «իրենք ուզում են նրանից Մարգարեթ Թետչեր հանել», բայց նա ոչ կոմպետենտ է։
