Քաղաքականություն

Իսրայելը ՆԱՏՕ-ին կոչ է անում վտարել Թուրքիային Էրդողանի սպառնալիքների ֆոնին

Իսրայելը ՆԱՏՕ-ին կոչ է անում վտարել Թուրքիային Էրդողանի սպառնալիքների ֆոնին
Իսրայելի արտգործնախարար Իսրայել Կացը կոչ է արել ՆԱՏՕ-ին բացառել Թուրքիային այն բանից հետո, երբ նրա նախագահ Ռեջեփ Թայիփ Էրդողանը սպառնացել է հրեական պետությանը պատերազմով, գրում է The Times of…

Իսրայելի արտգործնախարար Իսրայել Կացը կոչ է արել ՆԱՏՕ-ին բացառել Թուրքիային այն բանից հետո, երբ նրա նախագահ Ռեջեփ Թայիփ Էրդողանը սպառնացել է հրեական պետությանը պատերազմով, գրում է The Times of Israel-ը:


«Թուրքիայի նախագահ Էրդողանի՝ Իսրայելը գրավելու սպառնալիքների, ինչպես նաև նրա վտանգավոր հռետորաբանության ֆոնին արտգործնախարար Իսրայել Կացը հանձնարարել է դիվանագետներին շտապ սկսել աշխատանքը ՆԱՏՕ –ի բոլոր անդամների հետ՝ կոչ անելով դատապարտել Թուրքիային և պահանջելով նրան հեռացնել տարածաշրջանային դաշինքից», - գրում է պարբերականը։


Հուլիսի 28-ին Էրդողանը սպառնացել էր թուրքական զորքեր մտցնել Իսրայել։


«Ճիշտ այնպես, ինչպես մենք մտանք Ղարաբաղ, մտանք Լիբիա, մենք նրանց (Իսրայելի) հետ նույնը կանենք», – ասել է Թուրքիայի նախագահը տեղի հեռուստատեսության եթերում:


Հետագայում այդ հայտարարությունը վերածվեց մեղադրանքների և վիրավորանքների շարքի։ Մասնավորապես, Կացը Էրդողանին համեմատել է Սադամ Հուսեյնի հետ։ Էրդողանն իր հերթին հայտարարել է, որ Իսրայելի վարչապետ Բենյամին Նեթանյահուին սպասում է Հիտլերի ճակատագիրը:


Էրդողանն ավելի վաղ բազմիցս քննադատել էր Իսրայելին Գազայի հատվածում իր իրականացրած գործողության համար, որի արդյունքում հսկայական վնաս է հասցվել անկլավի քաղաքացիական ենթակառուցվածքին:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8338) Միջազգային (3601) ԱՄՆ (2423) Ռուսաստան (2368) Իրան (1820) Ընտրություններ (1286) Ուկրաինա (960) Երևան (835) Իսրայել (771) Ադրբեջան (694) Փաշինյան (628) Եվրոպա (545) Ազգային ժողով (527) Ընդդիմություն (507) Թրամփ (466)

Radio Aurora

Լսել Radio Aurora

Գովազդային տարածք

300x250