ՌԴ ԱԳՆ-ից հայտնել են՝ քանի պատժամիջոց են կիրառել Հավաքական Արևմուտքի երկրները
Հավաքական Արևմուտքի երկրները մոտ 20 հազար պատժամիջոցներ են սահմանել Ռուսաստանի տնտեսության դեմ։ Այս մասին հայտարարել է ՌԴ փոխարտգործնախարար Ալեքսանդր Պանկինը։
«Ռուսաստանի նկատմամբ արդեն կիրառվել է մոտ 20 000 տարբեր սահմանափակող պատժամիջոցներ։ Ըստ էության, պատժամիջոցներ դրանք անվանել չի կարելի, քանի որ պատժամիջոցները լեգիտիմ միջոց են, որը սահմանում է ՄԱԿ-ի Անվտանգության խորհուրդը, իսկ դրանք միակողմանի սահմանափակող միջոցներ են», - ասել Է դիվանագետը։
Պանկինի խոսքով՝ ԱՄՆ-ի և ԵՄ-ի կողմից պատժամիջոցների կիրառման չդադարող գործընթացն ուղղված է նրան, որ Ռուսաստանը թուլանա:
«Այդ հաշվարկն արդարացված չէ, չնայած այն հանգամանքին, որ նման հաշվարկներն ապահովվում են ապատեղեկատվության հզոր արշավով, որն իրականացվում է այսօրվա տարաբնույթ միջոցներով»,- հավելեց փոխնախարարը։
