Եկել է խաղաղության համաձայնագիր կնքելու ժամանակը. ՀՀ–ում ԱՄՆ դեսպանատուն

Լուիս Բոնոն ու ՀՀ բարձրաստիճան պաշտոնյանները քննարկվել են Հարավային Կովկասում կայուն խաղաղության հաստատմանն ուղղված ջանքերը: 

 Հայաստանի և Ադրբեջանի միջև խաղաղության պայմանագիրը թույլ կտա վերհանել Հարավային Կովկասի սոցիալական և տնտեսական ներուժը։ Այս մասին ասվում է Հայաստանում ԱՄՆ դեսպանատան հայտարարության մեջ։

Փաստաթղթում ասվում է, որ նախօրեին Պետդեպարտամենտի ՝ Կովկասում բանակցությունների գծով ավագ խորհրդական Լուիս Բոնոն և Հայաստանում ԱՄՆ դեսպան Քրիստինա Քուինը հանդիպել են Հայաստանի բարձրաստիճան պաշտոնյաների հետ և քննարկել Հայաստանի և Ադրբեջանի միջև տևական ու արժանապատիվ խաղաղության հաստատման ուղղությամբ ջանքերը։

«Այժմ եկել է ժամանակը խաղաղության համաձայնագրի, որը թույլ կտա վերհանել Հարավային Կովկասի սոցիալական և տնտեսական ներուժը»,–նշել են ամերիկյան դիվանագիտական ներկայացուցչությունում:

Հիշեցնենք, որ վերջին անգամ Լուիս Բոնոն Հայաստանում էր եկել այս տարվա մայիսի վերջին։