Իրանում Ռուսաստանի մասնակցությամբ ռազմածովային զորավարժություններ են սկսվել
Կասպից ծովում Իրանի տարածքային ջրերում այսօր մեկնարկել են ծովային անվտանգության ապահովման համատեղ զորավարժություններ՝ Իրանի Իսլամական Հանրապետության ռազմածովային ուժերի նախաձեռնությամբ և Կասպից ծովում ներկա բոլոր ծովային մարմինների ջանքերով մի քանի գործողությունների շրջանակներում:
Զորավարժությունների առաջին փուլում այսօր Կասպից ծովում հրդեհաշիջման գործողություն է իրականացվել:
Զորավարժությունների պաշտոնական ներկայացուցիչ Աբբաս Հասանիի խոսքով՝ այսօր տեղի է ունեցել զորավարժությունների փուլերից մեկը, որի ընթացքում Իրանի եւ Ռուսաստանի ռազմածովային ուժերը մշակել են առեւտրային նավի վրա հրդեհի մարումը, տուժածների փրկությունը եւ հետեւանքների վերացումը՝ նախապես պատրաստված սցենարով:
