![Բորելը մեկնաբանել է Հայաստանին 10 մլն եվրո տրամադրելու որոշումը](https://auroranews.am/storage/img/base_image/2024-07-22/669e3fd8d7822.webp)
Բորելը մեկնաբանել է Հայաստանին 10 մլն եվրո տրամադրելու որոշումը
![Բորելը մեկնաբանել է Հայաստանին 10 մլն եվրո տրամադրելու որոշումը](https://auroranews.am/storage/img/base_image/2024-07-22/669e3fd8d7822.webp)
Անվտանգությունը դառնում է Հայաստանի հետ մեր երկկողմ հարաբերությունների կարևոր տարրը. այս մասին ասել է ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելը՝ մեկնաբանելով ԵՄ Խաղաղության եվրոպական հիմնադրամից Հայաստանին 10 մլն եվրո տրամադրելու որոշումը:
«Խաղաղության եվրոպական հիմնադրամի այս միջոցառումն էլ ավելի կբարձրացնի երկրի դիմադրողականությունը: Մենք փոխադարձ շահագրգռվածություն ունենք արտաքին և անվտանգության քաղաքականության վերաբերյալ մեր երկխոսության հետագա ընդլայնման, ինչպես նաև ԵՄ-ի գլխավորած առաքելություններին և գործողություններին Հայաստանի հետագա մասնակցության հարցում», - նշել է Բորելը:
Հայաստանի Հանրապետությանն աջակցելու համար տրամադրվելիք օգնության նպատակն է բարձրացնել Հայաստանի զինված ուժերի նյութատեխնիկական կարողությունները և նպաստել ճգնաժամային և արտակարգ իրավիճակներում խաղաղ բնակչության պաշտպանության բարելավմանը: