ԱՄՆ-ն միջուկային ռմբակոծիչներ է տեղակայել Ուկրաինայի հետ սահմանի մոտ
Ամերիկայի Միացյալ Նահանգները երկու միջմայրցամաքային միջուկային ռմբակոծիչ է տեղակայել Ռումինիայի ռազմաօդային ուժերի 57-րդ ավիաբազայում՝ Ուկրաինայի սահմանից ոչ հեռու: Այս մասին ասվում է Եվրոպայում ԱՄՆ ռազմաօդային ուժերի հաղորդագրության մեջ։
Ռումինիայի ավիաբազայում B-52 Stratofortress ռմբակոծիչները գործելու են ԱՄՆ ռազմաօդային ուժերի 20-րդ էքսպեդիցիոն ռմբակոծիչ էսկադրիլիայի կազմում: Դրանք նաև փոխգործակցելու են ՆԱՏՕ-ի ուժերի հետ։
Այս ռմբակոծիչները կմասնակցեն Bomber Task Force Europe գործողությանը:
Նշվում է, որ սա առաջին դեպքն է, երբ ամերիկյան ռազմավարական ռմբակոծիչները գործում են Ռումինիայում:
Նախքան ռումինական ավիաբազա ռմբակոծիչների ժամանումը, ամերիկյան B-52-ները Ռումինիայից և Ֆինլանդիայից կործանիչների ուղեկցությամբ համատեղ թռիչք են իրականացրել:
