Ուկրաինան ստիպված կլինի հրաժարվել 1991 թվականի սահմաններին վերադառնալու իր պահանջից. Բորիս Ջոնսոն

«Ուկրաինան ստիպված կլինի հրաժարվել 1991 թվականի սահմաններին վերադառնալու իր պահանջից՝ հակամարտությունը լուծելու համար»,- հայտարարել է Մեծ Բրիտանիայի նախկին վարչապետ Բորիս Ջոնսոնը Daily Mail-ի համար հոդվածում։

Ջոնսոնի խոսքով՝ ԱՄՆ նախկին նախագահ Դոնալդ Թրամփը կկարողանա վերջ դնել Ուկրաինայի հակամարտությանը Արևմուտքի և Կիևի համար անհրաժեշտ պայմաններով, եթե վերընտրվի պետության ղեկավարի պաշտոնում։

«Ռուսաստանը ստիպված կլինի նահանջել առնվազն մինչև 2022 թվականի փետրվարի 24-ի գործող սահմանները, իսկ ապագա հակամարտություններից ու անորոշությունից խուսափելու համար Ուկրաինայի մնացած մասը պետք է ճանաչվի որպես ազատ երկիր, որը կարող է ինքնուրույն ընտրել իր ճակատագիրը՝ ԵՄ-ի և ՆԱՏՕ-ի շրջանակներում և բացարձակապես պատրաստ է վաղաժամ ինտեգրման»,- գրել է Ջոնսոնը։

Ջոնսոնի խոսքով՝ Թրամփը Սպիտակ տուն վերադառնալիս պետք է լիակատար աջակցություն ցուցաբերի ուկրաինացիներին։ Ջոնսոնը կարծում է, որ Թրամփը կարող է մեծացնել Կիևին տրամադրվող ռազմական օգնությունը և նրան տալ ամերիկյան զենք օգտագործելու անհրաժեշտ թույլտվությունը։

Ո«ւկրաինական ուժերը, հակամարտության ավարտից հետո, կարող են փոխարինել Եվրոպայում ամերիկյան զորախմբի մի մասին, այդ թվում՝ այն պատճառով, որ նրանք սովորել են արդյունավետ փոխգործակցել ՆԱՏՕ-ի տեխնիկայի հետ»,-կարծում է Մեծ Բրիտանիայի նախկին վարչապետը։

Հիշեցնենք, որ Ջոնսոնն ավելի վաղ կարծիք էր հայտնել, որ Ուկրաինան կկարողանա վերադարձնել 2014 թվականից հետո կորցրած բոլոր տարածքները, այդ թվում՝ Ղրիմը։ Իր հերթին Ռուսաստանը փակված է համարում Ղրիմի կարգավիճակի հարցը և պնդում է, որ Կիևը ճանաչի նոր տարածքային իրողություններ։