Բարսելոնան կբարձրացնի նավով ճամփորդողների զբոսաշրջային հարկը
Բարսելոնան կբարձրացնի նավով ճամփորդողների զբոսաշրջային հարկը, որոնք առնվազն 12 ժամով քաղաք են այցելում, El Pais թերթին տված հարցազրույցում ասել է քաղաքապետ Ժաումե Կոլբոնին։
Ըստ քաղաքապետի, քաղաքում կանգ առնող, նավով ճամփորդողների զբոսաշրջային հարկը ներկայումս օրական 7 եվրո է: Սակայն, նա չի ասել, թե որքանով է ավելացվելու հարկը։
Նա նշել է, որ նավով ճամփորդող և առնվազն 12 ժամ քաղաքում կանգ առնող զբոսաշրջիկները ակտիվորեն օգտագործում են հանրային տարածություները՝ առանց քաղաքին որևէ օգուտ տալու։
Ըստ Կոլբոնիի, այս առաջարկը պետք է համաձայնեցվի Կատալոնիայի տարածաշրջանային կառավարության հետ։
Վերջին շաբաթներին զբոսաշրջության դեմ շարժման ակտիվիստները բողոքի ցույցեր են անցկացրել իսպանական հայտնի առողջարանային քաղաքներում, ինչպիսիք են Պալմա դե Մայորկան, Մալագան և Կանարյան կղզիները՝ հայտարարելով, որ այցելուները բարձրացնում են բնակարանների գինը, ինչի պատճառով քաղաքի բնակիչները կենտրոնում ապրելու հնարավորություն չեն ունենում:
