![Ալիևը կրկին խոսել է Հայաստանի Սահմանադրության փոփոխության անհրաժեշտության մասին](https://auroranews.am/storage/img/base_image/2024-07-19/6699e8dee33c4.webp)
Ալիևը կրկին խոսել է Հայաստանի Սահմանադրության փոփոխության անհրաժեշտության մասին
![Ալիևը կրկին խոսել է Հայաստանի Սահմանադրության փոփոխության անհրաժեշտության մասին](https://auroranews.am/storage/img/base_image/2024-07-19/6699e8dee33c4.webp)
Ադրբեջանի նախագահ Իլհամ Ալիևը Մեծ Բրիտանիայում Գերմանիայի կանցլեր Օլաֆ Շոլցի հետ հանդիպմանը նշել է, որ Բաքուն աջակցում է խաղաղության օրակարգին, Հայաստանի հետ խաղաղության պայմանագրի շուտափույթ ստորագրմանը և ընդհանուր առմամբ խաղաղության հաստատման գործընթացին։ Այս մասին հայտնում են ադրբեջանական լրատվամիջոցները:
«Սակայն դրա համար առաջին հերթին անհրաժեշտ է, որ Հայաստանի Սահմանադրությունում փոխվեն Ադրբեջանի տարածքային ամբողջականության դեմ պահանջներ պարունակող դրույթները, որոնք ենթադրում են Ադրբեջանի Ղարաբաղի շրջանի (օկուպացված Արցախի Հանրապետություն-Խմբ.) միացումը Հայաստանին», - ասել է Ալիևը:
Նրա պնդմամբ՝ «Ադրբեջանի դեմ Հայաստանի տարածքային պահանջներին պետք է վերջ դրվի սահմանադրական հիմունքներով»: