Ուկրաինայի նախագահ Վլադիմիր Զելենսկին հայտարարել է, թե ինչպես կարելի է ավարտել Ռուսաստանի հետ պատերազմը։ Այս մասին նա ասել է Եվրոպական քաղաքական ընկերակցության 4-րդ գագաթնաժողովի ժամանակ:

Ըստ Զելենսկու՝ հնարավորություն կա ավարտել այս պատերազմը դիվանագիտական ջանքերով և զենքի ուժով, և չպետք է կորցնել այդ հնարավորությունները։

Միևնույն ժամանակ, նա ընդգծել է, որ որքան ավելի արդյունավետ լինի ՀՕՊ-ը, այնքան ավելի անօգնական կլինի Ռուսաստանի նախագահ Վլադիմիր Պուտինը:

«Որքան քիչ սահմանափակումներ ունենանք զենքի արդյունավետ օգտագործման հարցում, այնքան Ռուսաստանը կփորձի շարժվել խաղաղության ուղղությամբ։ Ռուսական օդանավակայաններից թռչում են ինքնաթիռներ, որոնք ռմբակոծում են մեր երեխաներին, քաղաքացիներին, այդ բոլոր օդանավակայանները պետք է ոչնչացվեն։ Դա կվերացնի պատերազմը շարունակելու Ռուսաստանի կարողությունը», - հայտարարել Է Ուկրաինայի առաջնորդը։