Փորձել եմ անել հնարավոր ամեն ինչ, որպեսզի նպաստեմ ՀՀ-ի և Ադրբեջանի միջև ուղիղ երկխոսությանը․ Միշել

Բրյուսելը Երևանի և Բաքվի միջև երկկողմ ուղիղ փոխգործակցության հնարավորություն է տեսնում: Այս մասին այսօր Օքսֆորդում Եվրոպական քաղաքական համայնքի 4–րդ գագաթնաժողովում հայտարարել է Եվրոպական խորհրդի ղեկավար Շառլ Միշելը։

«Վերջին ամիսներին մենք տեսանք, որ Ադրբեջանի և Հայաստանի միջև երկկողմ ուղիղ կապ հաստատելու հնարավորություն կա։ Եվ գիտեք` ես փորձել եմ անել հնարավոր ամեն ինչ ԵՄ-ի անունից, որպեսզի նպաստեմ Հայաստանի և Ադրբեջանի միջև ուղիղ երկխոսությանը»,- ասել է դիվանագետը։

 2021-2023թթ․ Շառլ Միշելի միջնորդությամբ Հայաստանի և Ադրբեջանի միջև ամենաբարձր մակարդակով 6 հանդիպում է կայացել։