Բայդենը նշել է այն միակ պատճառը, որը կարող է ստիպել իրեն դուրս գալ նախագահական մրցապայքարից

ԱՄՆ նախագահ Ջո Բայդենը հայտարարել է, որ կարող է հրաժարվել 2024 թվականի ընտրություններին մասնակցելուց, եթե նրա մոտ հիվանդություն հայտնաբերվի: Այս մասին նա ասել է Black Entertainment Television հեռուստաալիքին տված հարցազրույցում։

«Եթե ինձ մոտ ինչ որ հիվանդություն հայտնաբերվեր, եթե ինչ-որ մեկը, բժիշկները գային և ասեին, որ դուք ունեք այսինչ խնդիրը» ,-ասաց Բայդենը (մեջբերումը Fox News - ից):

81-ամյա նախագահը կարծում է, որ «Միակ բանը, որ բերում է տարիքը, մի փոքր իմաստությունն է»: Բայդենը վստահ է, որ Սպիտակ տանը իր աշխատանքի ընթացքում ցույց է տվել, որ գիտի, թե ինչպես անել այնպես, որ ավելի լավ լինի երկրի համար: «Բայց դեռ շատ բան կա անելու, և ես չեմ ուզում հրաժարվել դրանից», - ասում է ամերիկացի առաջնորդը:

ԱՄՆ Դեմոկրատական կուսակցությունում նախագահի պաշտոնի թեկնածուին փոխարինելու մասին մտածել են գալիք ընտրություններում իր գլխավոր հակառակորդ Դոնալդ Թրամփի հետ բանավեճում Բայդենի ձախողումից հետո: Սակայն Սպիտակ տան գործող տերը դեռ չի շտապում թոշակի անցնել և հայտարարում է, որ պատրաստ է նոր մրցավազքի։ Հուլիսի 6-ին Բայդենը հայտարարել էր, որ չի մասնակցի ընտրություններին միայն այն դեպքում, եթե «Ամենակարող Տերը իջնի երկնքից և հրամայի դա անել»: