Բայդենը հայտնել է, թե որ դեպքում կարող է դուրս գալ մրցապայքարից
ԱՄՆ նախագահ Ջո Բայդենը հայտարարել է, որ դուրս կգա նախագահական մրցապայքարից, եթե բժիշկները պարզեն, որ ինքն առողջական խնդիրներ ունի։ Այս մասին նա ասել է BET-ին տված հարցազրույցում։
«Եթե իմ մոտ ինչ-որ հիվանդություն ի հայտ գա, եթե մեկը, բժիշկները կգային, կասեին, որ այսինչ խնդիր ունեք»,- ասել է նա՝ խոսելով նախագահական ընտրությունների մրցապայքարից դուրս գալու մասին։ Նրա խոսքը մեջբերում է Fox News-ը։
«Անկեղծ ասած, ես կարծում եմ, որ միակ բանը, որ տարիքը բերում է, իմաստությունն է»,- հավելել է Բայդենը։
Նա ավելի վաղ ասել էր, որ ինքը կհրաժարվի նախընտրական մրցապայքարից միայն այն դեպքում, եթե Աստված իրեն ասի դա անել։
