![Պուտինը չի պատրաստվում զանգահարել Թրամփին. Կրեմլ](https://auroranews.am/storage/img/base_image/2024-07-14/6693c05bdcbc3.webp)
Պուտինը չի պատրաստվում զանգահարել Թրամփին. Կրեմլ
![Պուտինը չի պատրաստվում զանգահարել Թրամփին. Կրեմլ](https://auroranews.am/storage/img/base_image/2024-07-14/6693c05bdcbc3.webp)
ՌԴ նախագահ Վլադիմիր Պուտինը չի նախատեսում զանգահարել ԱՄՆ նախկին նախագահ Դոնալդ Թրամփին, որը փրկվել է մահափորձից։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Որքանով ես գիտեմ, ոչ, նման ծրագրեր չկան»,- ասել է Կրեմլի խոսնակը՝ պատասխանելով այն հարցին, թե արդյոք Պուտինը նախատեսում է զանգահարել Թրամփին։
ԱՄՆ ներկայիս վարչակազմի կողմից նախկին նախագահ Դոնալդ Թրամփի շուրջ ստեղծված մթնոլորտն է հրահրել նրա դեմ մահափորձւ, ասել է Պեսկովը լրագրողներին ու հավելել, որ Ռուսաստանի Դաշնությունը չի կարծում, որ Թրամփի դեմ մահափորձը կազմակերպվել է ԱՄՆ գործող իշխանության կողմից։
«Սակայն թեկնածու Թրամփի շուրջ մթնոլորտը դրդել է նրան, ինչին այսօր բախվել է Ամերիկան», - հավելել է նա:
Ավելի վաղ նշել էինք, որ ԱՄՆ Փենսիլվանիա նահանգում աջակիցների հետ հանրահավաքի ժամանակ նախագահի հանրապետական թեկնածու Դոնալդ Թրամփի դեմ մահափորձ է իրականացվել: Հնչել են կրակոցներ, որից հետո նա ընկել է. Գաղտնի ծառայության աշխատկիցները մարմիններով ծածկել են նախկին նախագահին: Մահափորձից հետո Թրամփը տեղափոխվել է հիվանդանոց, նրա կյանքին վտանգ չի սպառնում:
Ըստ ՀԴԲ-ի՝ կրակողը՝ 20-ամյա Թոմաս Մեթյու Քրուքսը, չեզոքացվել է: Նրա քայլի դրդապատճառն առայժմ անհայտ է: Իրավապահ մարմինները միջադեպի հետաքննություն են սկսել: ԱՄՆ նախագահ Ջո Բայդենը դատապարտել է Թրամփի դեմ մահափորձը:
«Ուրախ եմ լսել, որ նա ապահով է և իրեն լավ է զգում: Ես աղոթում եմ նրա և նրա ընտանիքի համար։ Ջիլը և ես երախտապարտ ենք Գաղտնի ծառայությանը նրան փրկելու համար: Ամերիկայում նման բռնության համար տեղ չկա։ Մեր ազգը պետք է միավորվի սա դատապարտելու համար»,- իր ուղերձում ասել է Բայդենը։