«Ադրբեջանի դեմ տարածքային պահանջներ կան», և դա «անընդունելի է». Բայրամովը՝ Հայաստանի Սահմանադրության մասին
Ադրբեջանի արտաքին գործերի նախարար Ջեյհուն Բայրամովն այսօր Բաքվում հանդիպել է ԵԱՀԿ գլխավոր քարտուղար Հելգա Շմիդի հետ։
Հանդիպմանը Բայրամովը հայտարարել է, թե Հայաստանի և Ադրբեջանի միջև խաղաղության գործընթացում Հայաստանի գործող Սահմանադրության մեջ «Ադրբեջանի դեմ տարածքային պահանջներ կան», և որ դա «անընդունելի է»։
Ադրբեջանական կողմը ԵԱՀԿ գլխավոր քարտուղար Հելգա Շմիդի հետ հանդիպմանը թվարկել է խաղաղության օրակարգի առաջխաղացմանը «սպառնացող քայլերը»՝ նշելով, թե Հայաստանում արագացող ռազմականացումը շարունակում է անհանգստության տեղիք տալ։
