Սերբիան և Եգիպտոսը համատեղ զորավարժություններ կանցկացնեն
Սերբիան և Եգիպտոսը շուտով համատեղ զորավարժություններ կանցկացնեն, հիմնականում՝ հատուկ նշանակության ջոկատների, հայտարարել է Սերբիայի նախագահ Ալեքսանդր Վուչիչը։
Սերբիայի պետության ղեկավարը երկօրյա աշխատանքային այցով Եգիպտոսում է։ Նա հանդիպել է իր եգիպտացի գործընկեր Աբդել Ֆաթահ ալ-Սիսիի հետ և ընդգծել, որ Եգիպտոսի առաջնորդն այժմ այն հազվագյուտ քաղաքական գործիչներից է, ով ցանկանում է խաղաղություն աշխարհում։
«Մենք քննարկել ենք աշխարհաքաղաքական բոլոր հարցերը, խոսել ենք համագործակցության կոնկրետ տեսակների մասին՝ գյուղատնտեսությունից մինչև ռազմատեխնիկական համագործակցություն, շատ շուտով տեղի կունենան սերբական և եգիպտական բանակների համատեղ զորավարժությունները, առաջին հերթին՝ մեր հատուկ ստորաբաժանումները», - ասել է Վուչիչը։
