ՀԱՄԱՍ-ն Իսրայելի՝ Ալ-Մավասի շրջանին հասցված հարվածներից հետո հայտարարություն է տարածել
Իսրայելի իշխանությունների հայտարարություններն այն մասին, որ Գազայի հարավային մասում գտնվող Խան Յունիս քաղաքի մոտակայքում գտնվող Ալ-Մավասի շրջանին հասցված հարվածը նպատակ է ունեցել վերացնել պաղեստինյան ՀԱՄԱՍ շարժման մարտական թևի առաջնորդներին, արդարացում են նրանց գործողությունների համար և ողբերգության մասշտաբները թաքցնելու փորձ: Այս մասին ասվում է արմատական շարժման հայտարարության մեջ, որը հրապարակվել Է ՀԱՄԱՍ-ի Telegram ալիքում։
«Խան Յունիսում պաղեստինցի առաջնորդների վրա հարձակման մասին Իսրայելի իշխանությունների պնդումները սուտ են»,-ասվում է հայտարարության մեջ: ՀԱՄԱՍ-ի համոզմամբ՝ այդ կեղծ մեղադրանքները միայն կոչված են թաքցնելու Ալ Մավասիի ողբերգության մասշտաբները:
Գազայի առողջապահության նախարարության վերջին տվյալներով ՝ Խան Յունիսի մոտակայքում գտնվող Ալ-Մավասի շրջանի ուղղությամբ իսրայելական ուժերի հարվածի հետևանքով զոհվել է ավելի քան 70 մարդ, մոտ 300-ը վիրավորվել են:
