ՏԵՍԱՆՅՈՒԹ. Մեծ մարդ եմ, մեկ էլ տեսար՝ դըմփ, ընկա գետնին․ Սասունիկի բնակիչը Փաշինյանին դժգոհեց ճանապարհի որակից

Սասունիկում ընթացքի մեջ են միջնակարգ դպրոցի կառուցման աշխատանքները:

Դպրոցի կառուցումը իրականացվում է Ասիական զարգացման բանկի Սեյսմիկ անվտանգության բարելավման ծրագրով և ՀՀ կառավարության համաֆինանսավորմամբ: Այս մասին գրել է ՀՀ վարչապետ Նիկոլ Փաշինյանը, ով նաեւ տեսանյութ է տարածել:

Ծրագրի ընդհանուր արժեքը 2 մլրդ 350,2 մլն դրամ է:

Դպրոցը նախատեսված է 432 աշակերտի համար: Շինաշխատանքները կավարտվեն 2025 թ.:

Փաշինյանը նաեւ հանդիպել է գյուղի բնակիչների հետ, երեխաներին պաղպաղակ է հյուրասիրել:

Բնակիչներից մի կին դիմելով վարչապետի, ասաց. «Շատ ուրած եմ, սուրդ միշտ փայլի, մեր կողքից անպակաս լինես»:

Մեկ այլ բնակիչ էլ բողոքեց փողոցների որակից. «Մեկ փողոց է լավը, անցյալ տարի տվեցիր սարքելու, փողոցների մայթերը վատ վիճակում են, ես մեծ մարդ եմ, կգնամ, մեկ էլ դըմփ, ընկա գետնին: Մայթն անորակ է»:

Փաշինյանն էլ արձագանքեց. «Հերթով, չենք կարող ամեն ինչ միանգամից անել: Մենակ փողի խնդիրը չի, էդքան շինարար չկա երկրում: Մրցույթներ կան, որ մասնակցող չկա, որովհետեւ բոլորը զբաղված են»: