ՏԵՍԱՆՅՈՒԹ. «Երեխեք, ո՞նց ա, դուրներդ գալի՞ս ա»․ Փաշինյանն Աշտարակում է

ՀՀ վարչապետ Նիկոլ Փաշինյանն այցելել է Արագածոտնի մարզ՝ ծանոթանալու 2023 թվականին իրականացված աշխատանքներին և ընթացքի մեջ գտնվող ծրագրերին:

Առաջին կանգառն Աշտարակում էր: Համայնքի սուբվենցիոն ծրագրով 25 բնակավայրերում իրականացվել են ասֆալտապատման աշխատանքներ՝ 22,4 կմ երկարությամբ:

Ծրագրի ընդհանուր արժեքը 2 մլրդ 142,5 մլն դրամ է, որից 749,8 մլն դրամը հատկացրել է Կառավարությունը:

«Աշտարակում այցելեցի նաև նոր կառուցված խաղադաշտ: Ընդհանուր առմամբ, սուբվենցիոն ծրագրով Աշտարակ և Բազմաղբյուր բնակավայրերում կառուցվել է 4 խաղադաշտ: Ծրագրի արժեքը 267,3 մլն դրամ է, որից 93,5 մլն դրամը հատկացրել է Կառավարությունը»,- գրել է վարչապետը:

Նա առաջարկել է խրախուսել, որ սպորտային խմբակներ ստեղծվեն. «Թաի երեխեքի համար էլ պետք է ազատ ժամ թողնել, բայց որ խմբեր պարակեն, ավելի լավ կլինի»,-ասաց նա:

Այնուհետեւ Փաշինյանը դիմեց մարզադաշտում հավաքված երեխաներին. «Երեխեք, ոնց ա, դուրներդ գալիս ա՞: վայ, հեսա կարող ա գոլ էլ խփի, ըհը, խփեց»: