Apple-ի արժեքը հասել է 3,5 տրիլիոն դոլարի, այն 1,7 անգամ ավել է Ռուսաստանի ՀՆԱ-ից

Apple-ի արժեքը հասել է 3,5 տրիլիոն դոլարի։ Դա 1,7 անգամ ավելի է, քան Ռուսաստանի ՀՆԱ-ն։ Այս մասին գրում է RTVI-ը։

 Apple-ի կապիտալիզացիան գերազանցում է գրեթե բոլոր երկրների ՀՆԱ-ն, բացառությամբ ԱՄՆ-ի, Չինաստանի, Գերմանիայի, Ճապոնիայի և Հնդկաստանի։ 

 Նախորդ ռեկորդը նույնպես պատկանում էր Apple-ին՝ 2022 թվականին ընկերության շուկայական արժեքը գնահատվում էր 3 տրիլիոն դոլար։ Այն ժամանակ սա պատմական առավելագույնն էր։ 

 2024 թվականի հունիսին ամենաթանկ հանրային ընկերությունների ցանկը հակիրճ գլխավորեց չիպերի և վիդեո քարտերի ամերիկյան արտադրողը՝ NVIDIA-ն, այժմ ընկերության արժեքը գնահատվում է 3,3 տրիլիոն դոլար։ 

 Փորձագետների կարծիքով՝ առաջատար եռյակը, այդ թվում՝ Microsoft-ը, կշարունակեն պահպանել իրենց դիրքերը շուկայում՝ մրցելով միմյանց հետ վարկանիշի առաջին գծի համար։