Չինաստանի իշխանությունները հազվագյուտ հողային մետաղները հայտարարել են պետության սեփականություն

Չինաստանում հազվագյուտ հողային մետաղները պետության սեփականությունն են, և իշխանությունները կվերահսկեն այս հատվածի զարգացումը, ասվում է Չինաստանի Ժողովրդական Հանրապետության Պետական ​​խորհրդի փաստաթղթում:

Նոր կանոններն ուժի մեջ կմտնեն հոկտեմբերի 1-ից։

Դրանք նաև նախատեսում են Պետական ​​խորհրդի կողմից հազվագյուտ հողային մետաղների հետ կապված նոր տեղեկատվական համակարգի ստեղծում։ Հազվագյուտ հողային մետաղների արդյունահանմամբ, վերամշակմամբ և արտահանմամբ զբաղվող ընկերությունները պետք է դառնան այս համակարգի մասնակից և ստեղծեն իրենց գործիքները՝ մետաղների արտադրության ծավալները ճշգրիտ գրանցելու համար:

Անցյալ տարի Չինաստանի իշխանությունները սահմանափակումներ են մտցրել գերմանիումի և գալիումի արտահանման վրա, որոնք ակտիվորեն օգտագործվում են կիսահաղորդչային արտադրանքի արտադրության մեջ, ինչպես նաև արգելել են հազվագյուտ հողային մետաղների արդյունահանման տեխնոլոգիաների արտահանումը։

Չինաստանն արտադրում է աշխարհի բոլոր հազվագյուտ հողային մետաղների մոտ 90%-ը։