ՆԱՏՕ-ն մոտ 700 միլիոն դոլարի Stinger զենիթահրթիռային համալիրներ է պատվիրել. Ստոլտենբերգ
ՆԱՏՕ-ն մի քանի անդամ երկրների անունից մոտ 700 միլիոն դոլար արժողությամբ «Stinger» «երկիր-օդ» հրթիռներ է պատվիրել, ըստ Reuters-ի՝ երեքշաբթի դրա մասին հայտարարել է դաշինքի գլխավոր քարտուղար Յենս Ստոլտենբերգը։
«Հենց այսօր NSPA-ն (ՆԱՏՕ-ի գնումների գործակալությունը) նոր միջազգային պայմանագիր է ստորագրել գրեթե 700 միլիոն դոլարի Stinger հրթիռների մատակարարման համար», - Վաշինգտոնում ՆԱՏՕ-ի գագաթնաժողովի շրջանակում պաշտպանական արդյունաբերության ղեկավարների հանդիպմանը հայտարարել է նա:
