Մեծ Բրիտանիայի ՊՆ նոր ղեկավարը կրակահերթի տակ է հայտնվել Ուկրաինա այցի ժամանակ
Միացյալ Թագավորության պաշտպանության նոր նախարար Ջոն Հիլին հուլիսի 7-ին Ուկրաինա կատարած առաջին պաշտոնական այցի ժամանակ հրթիռակոծության է ենթարկվել: Այս մասին հայտնում է The Daily Mirror պարբերականը:
Նրա տվյալներով՝ Ուկրաինայի նախագահ Վլադիմիր Զելենսկու և պաշտպանության նախարար Ռուստեմ Ումերովի հետ Հիլի բանակցությունների ժամանակ Օդեսա քաղաքում հայտարարվել է Օդային տագնապ, ինչի արդյունքում hանդիպման մասնակիցները ստիպված են եղել պատսպարվել շենքերից մեկի նկուղում։ Թերթը մանրամասնում է, որ հավաքվածներին հաջողվել է ապաստանից հեռանալ առնվազն կես ժամ անց, երբ տրվել է օդային տագնապի դադարեցման ազդանշանը:
Հիլին բրիտանական պաշտպանական գերատեսչության ղեկավարի պաշտոնում նշանակվել էր հուլիսի 5-ին՝ Մեծ Բրիտանիայի խորհրդարանական ընտրություններում Քիր Սթարմերի գլխավորած Լեյբորիստական կուսակցության հաղթանակից հետո: Արդեն հուլիսի 7-ին նա ժամանել է Օդեսա, որտեղ հայտարարել է, որ իր երկիրն Ուկրաինային կմատակարարի 90 բարձր ճշգրտության Brimstone հրթիռներ, 10 ինքնագնաց AS-90 հրետանային կայանքներ և քառորդ միլիոն զինամթերք:
