Գերմանական կառավարությունը թարմացրել է Ուկրաինային մատակարարվող զենքերի ցանկը․ այն ներառում էր տարբեր նպատակների համար նախատեսված զրահատեխնիկա, գրոհային և դիպուկահար հրացաններ, տասնյակ հազարավոր զենքեր:

Կառավարությունը ցուցակը վերջին անգամ թարմացրել էր հունիսի 14-ին։ Այդ ժամանակից ի վեր Գերմանիան Ուկրաինային է մատակարարել մեկ Bergepanzer 2 զրահապատ վերանորոգման և վերականգնման մեքենա և 4 Wisent 1 ականազերծման մեքենա՝ պահեստամասերով, երրորդ Patriot համալիրը, 2 TRML-4D օդային հսկողության ռադար, 200 շարժական հակաօդային անօդաչու թռչող սարք, 30 վեկտոր հետախուզական անօդաչու թռչող սարք:

Բացի այդ, Ուկրաինա է առաքվել 800 միավոր MK 556 ինքնաձիգ, 10 հատ HLR 338 դիպուկահար հրացան, 150 CR 308 հրացան, 250 միավոր MG5 գնդացիր: Մատակարարվել է նաև 93 հազար ծխային նռնակ, 9 հազար փամփուշտ «Գեպարդ» ինքնագնաց՝ զենիթային զենքերի համար, 55 հազար հրետանային զինամթերք՝ 155 մմ տրամաչափի և 58 հազար 40 մմ տրամաչափի։