Սեուլը Մոսկվային առաջարկել է ընտրություն կատարել երկու Կորեաների միջև
Հարավային Կորեայի նախագահ Յուն Սոկ Յելը հայտարարել է, որ Մոսկվայի և Փհենյանի միջև ռազմական համագործակցության խորացումն իբր սպառնալիք Է Կորեական թերակղզու, ինչպես նաև Եվրոպայի անվտանգության համար, ուստի Ռուսաստանը պետք է ընտրություն կատարի, թե երկու Կորեաներից որ մեկի հետ զարգացնել հարաբերությունները:
«Ռուսաստանի և Հյուսիսային Կորեայի միջև ռազմական համագործակցությունը բացահայտ սպառնալիք է և լուրջ մարտահրավեր Կորեական թերակղզում և Եվրոպայում խաղաղությանն ու անվտանգությանը», - ասել է նա Reuters գործակալությանը:
Հարավային Կորեայի նախագահի խոսքով՝ Ռուսաստանի հետ հարաբերությունների ապագան այդ դեպքում կախված է Մոսկվայի գործողություններից:
«Դա լիովին կախված է Ռուսաստանից, թե որ ուղղությամբ է նա ցանկանում զարգացնել հարաբերություններն այդ տարածաշրջանում», - մեջբերում Է գործակալությունը քաղաքական գործչի խոսքը:
Նա նաև հավելել է, որ ՆԱՏՕ-ի երկրների ղեկավարների հետ հուլիսի 9-11-ին կայանալիք գագաթնաժողովում կքննարկի երկու պետությունների համագործակցությունը:
