Պուտինն Օրբանի միջոցով ուղերձներ չի փոխանցել Բայդենին. Պեսկով
Հունգարիայի վարչապետ Վիկտոր Օրբանը փորձում է պարզել, թե որն է Ուկրաինայի հակամարտությունում կողմերի տարաձայնությունների էությունը, և Ռուսաստանը գնահատում է դա: Հուլիսի 8-ին նման հայտարարություն է արել Կրեմլի պաշտոնական ներկայացուցիչ Դմիտրի Պեսկովը։
«Պարոն Օրբանն իսկապես լուրջ նախաձեռնություն է ձեռնարկում, որպեսզի հենվելով սկզբնաղբյուրների վրա՝ համադրի տարբեր կողմերի դիրքորոշումները։ Եվ մենք բարձր ենք գնահատում, և նույնպիսի բարձր գնահատական է տվել նաև Ռուսաստանի նախագահ Վլադիմիր Պուտինը Պարոն Օրբանի այս ջանքերին», - ասել Է Պեսկովը։
Նա նշել է, որ կողմերի դիրքորոշումները շատ առումներով տարբերվում են, և Հունգարիայի վարչապետը շատ լուրջ աշխատանք է կատարում՝ ցանկանալով պարզել, թե կոնկրետ ինչում են կայանում տարաձայնությունները:
Կրեմլի պաշտոնական ներկայացուցիչը նաև հայտնել է, որ Պուտինն Օրբանի միջոցով որևէ ուղերձ չի փոխանցել ԱՄՆ առաջնորդ Ջո Բայդենի համար:
