Չինաստանի ԱԳՆ-ն կտրուկ հայտարարություն է արել ՆԱՏՕ-ի հասցեին
ՆԱՏՕ-ն համաշխարհային հանրության սպառնալիքի լուրջ աղբյուր է, քանի որ դաշինքը առճակատում է հրահրում։ Այս մասին ճեպազրույցի ժամանակ հայտարարել Է Չինաստանի ԱԳՆ պաշտոնական ներկայացուցիչ Լին Ցզյանը, փոխանցում է «ՌԻԱ Նովոստի» -ն։
«ՆԱՏՕ-ն դուրս է գալիս պաշտպանության ոլորտից, հրահրում առճակատում, ինչը ցույց է տալիս դրանում արմատավորված սառը պատերազմի մտածելակերպը և գաղափարական նախապաշարմունքները։ Դա գլոբալ խաղաղությանը սպառնացող ռիսկերի իրական աղբյուր է», - ընդգծել է Ցզյանը։
Նրա խոսքով՝ Հյուսիսատլանտյան դաշինքն իրեն պաշտպանական բլոկ է անվանում, սակայն դրա հետ մեկտեղ մշտապես «ընդլայնում է իր լիազորությունները», ինչպես նաեւ առճակատում է հրահրում աշխարհում:
