Բայդենին լուսանկարներով են բացատրում դեպի տրիբունա երթուղին

Սպիտակ տան աշխատակիցները ԱՄՆ նախագահ Ջո Բայդենին լուսանկարներ են տալիս, որոնք բացատրում են ինչպես գնալ կուլիսներից ամբիոն՝ երթուղին: Այս մասին հայտնում է Axios պորտալը։ Նրա տեղեկատվությամբ՝ ամերիկյան առաջնորդի ելույթների համար նրա վարչակազմի աշխատակիցները պատրաստում են կարճ փաստաթուղթ՝ խոշոր տառատեսակով և լուսանկարներով, որում նշված է նախագահի՝ ամբիոն հասնելու ճշգրիտ ուղին: 

Ինչպես պորտալին հայտնել է Սպիտակ տան պաշտոնյան, որը ցանկացել է անհայտ մնալ, «միջոցառումների կազմակերպման մեջ մանրամասների և ճշգրտության բարձր մակարդակը կարևոր է նախագահի հետ նախնական աշխատանքի համար»: Միաժամանակ նա ընդգծել է, որ վարչակազմը միշտ նման ուսուցում է անցկացնում՝ անկախ նրանից, թե ով է գլխավորում ԱՄՆ-ը։

Բայդենը, ով 81 տարեկան է, հաճախ է իր հրապարակային ելույթներում լեզվի տարբեր սայթաքումներ անում ինչպես նաեւ չի կողմնորոշվում տարածության մեջ:Հանրապետական կուսակցության անդամները դա օգտագործում են միջկուսակցական պայքարում ՝ կասկածի տակ դնելու պետության ղեկավարի մտավոր և ֆիզիկական կարողությունները՝ շարունակելու ղեկավարել ԱՄՆ-ը: