Ամերիկացիները դուրս են բերել իրենց զորքերը Նիգերի ավիաբազայից

ԱՄՆ զինվորականները դուրս են բերել իրենց անձնակազմին Նիգերի 101-րդ ավիաբազայից, հայտնելէ Reuters-ը։

Նիգերի իշխող խունտան ապրիլին Միացյալ Նահանգներին հրամայել է դուրս բերել երկրից մոտ 1000 զինվորական, որոնք տեղակայվել էին անցյալ տարի արևմտյան Աֆրիկայի երկրում տեղի ունեցած հեղաշրջումից հետո:

«Նիգերիայի և ԱՄՆ-ի զինված ուժերի արդյունավետ համագործակցության և շփման շնորհիվ այս գործողությունը ավարտվել է ժամկետից շուտ և առանց որևէ բարդության», - ասված է Նիգերի և ԱՄՆ պաշտպանության նախարարությունների համատեղ հայտարարության մեջ:

ԱՄՆ ռազմաօդային ուժերի գեներալ-մայոր Քենեթ Էքմանը նշել է, որ կենտրոնական Նիգերի Ագադես քաղաքի մոտակայքից զորքերը բազայից դուրս կբերեն 100 միլիոն դոլար արժողությամբ անօդաչու թռչող սարքեր, որոնք կարևոր հետախուզություն են տրամադրել ջիհադիստներին առնչվող խմբավորումների վերաբերյալ։

Ամերիկացի գեներալը հավելել է, որ զորքերի դուրսբերումը 201-րդ ավիաբազայից, ըստ ամենայնի, տեղի կունենա օգոստոսին։

Նիգերի իշխող խունտան իր տարածքից զորքերը դուրս բերելու համար ԱՄՆ-ին մինչև սեպտեմբերի 15-ը ժամանակ է տվել։

Ապրիլին Ռուսաստանը ռազմական հրահանգիչներ ուղարկեց Նիգեր։

Նիգերը և նրա զինվորական ղեկավարություն ունեցող հարևանները՝ Մալին և Բուրկինա Ֆասոն համադաշնություն ստեղծելու մասին համաձայնագիր են ստորագրել: Նրանք խզել են ԱՄՆ-ի, Եվրոպայի և ՄԱԿ-ի ուժերի հետ նախկինում կնքված պաշտպանական բոոր համաձայնագրերը։