ՏԵՍԱՆՅՈՒԹ. Փաշինյանը Տավուշում հետևել է բանակային խաղերին
Երկրորդ տարին անընդմեջ անցկացվեցին բանակային խաղերը: Այս մասին իր ֆեյսբուքյա էջում գրել է ՀՀ վարչապետ Նիկոլ Փաշինյանը եւ տեսանյութ հրապարակել:
«Տավուշի մարզում հետեւեցի բանակային խաղերի շրջանակում անցկացված մարտական փոխանցումավազքի մրցումներին:
Բանակային խաղերին, որոնք մեկնարկել են հունիսի 30-ից, մասնակցել են ՀՀ պաշտպանության, Ներքին գործերի, Արդարադատության նախարարությունների, Ազգային անվտանգության ծառայության, Պետական եկամուտների, Քննչական, Հակակոռուպցիոն կոմիտեների, Դատախազության և Պետական պահպանության ծառայության հավաքական թիմերը, որոնցում ներգրավված են նաև կին ծառայողներ: Ընդհանուր առմամբ, խաղերին մասնակցել է 18 թիմ»: Փաշինյանը նշել է, որ սա կարեւոր միջոցառում է մեր երկրում առողջ ապրելակերպի համար:
