Զախարովան գնահատել է Բրիտանիայի ընտրությունները
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Մեծ Բրիտանիայի խորհրդարանի ընտրությունների ընթացքը գրող Լուիս Քերոլի «Ալիսը հրաշքների աշխարհում» գրքից մեջբերումով: Համապատասխան գրառումը հրապարակվել է նրա Telegram ալիքում։
Հուլիսի 4-ին ժողովրդավարական հաստատությունների և մարդու իրավունքների բյուրոն զեկույց է ներկայացրել Մեծ Բրիտանիայում ընտրական գործընթացի վերաբերյալ: Զախարովայի խոսքով՝ գնահատականներն մխիթարող չեն, բացահայտվել են թագավորության ընտրական համակարգի լուրջ խախտումներ եւ թերություններ: Նա նշել է, որ ԵԱՀԿ-ն գիտակցաբար աչք է փակում բրիտանական ընտրական օրենսդրության սխալների վրա և հրաժարվում է ընտրությունների ընթացքի լիարժեք մոնիտորինգից:
Զախարովան ընդգծել է, որ «տասնյակ մարդիկ» դժվար թե կարողանան որակապես վերահսկել ընտրական ողջ գործընթացը: Նրա խոսքով՝ «ԺՀՄԻԳ -ի գործողությունների խեղաթյուրումները» բավական ցուցադրական են և ստիպում են հիշել երկակի ստանդարտների մասին։ Նա հիշեցրել է, թե ինչպես է Արևմուտքը պահանջում խոշոր առաքելություններ ուղարկել այն երկրներ, որոնց քաղաքականությունն իրեն չի բավարարում։
«Ինչպես ասում էր անգլիացի Լուիս Քերոլը, «այստեղ պետք է վազել ամբողջ ուժով, որ գոնե մնաս նույն տեղում»։ Թվում է, թե հենց դրանով է այժմ զբաղվում Բրիտանական ընտրական համակարգը՝ փորձելով պահպանել ժողովրդավարության տեսքը», — եզրափակել է ՌԴ ԱԳՆ ներկայացուցիչը։
