Պուտինը ասել է, թե ով է խանգարում ռուս-թուրքական հարաբերություններին
Ռուսաստանի նախագահ Վլադիմիր Պուտինը հայտարարել է, որ Թուրքիայի նախագահ Ռեջեփ Էրդողանի քաղաքական կամքը նպաստում է ռուս-թուրքական հարաբերությունների զարգացմանը: Այս մասին գրում Է «ՌԻԱ Նովոստի»- ն։
«Թե ով է մեզ խանգարում, հայտնի է»,-ասել է Ռուսաստանի ղեկավարը Շանհայի համագործակցության կազմակերպության (ՇՀԿ) գագաթնաժողովի արդյունքներով կայացած մամուլի ասուլիսում:
Հուլիսի 4-ին գագաթնաժողովում Չինաստանի նախագահ Սի Ցզինպինի հետ բանակցությունների ընթացքում Էրդողանը մտահոգություն է հայտնել մերձավորարեւելյան եւ ուկրաինական հակամարտությունների՝ համաշխարհային մակարդակի հնարավոր տարածման կապակցությամբ:
Հուլիսի 3-ին Աստանայում կայացել Է Պուտինի և Էրդողանի մոտ մեկ ժամ տևած հանդիպումը: Միջոցառումը տեղի է ունեցել «Ռից Կառլտոն» հյուրանոցում։ Պետությունների ղեկավարները զրուցել են բանակցությունների համար նախատեսված հատուկ սրահում։ Էրդողանը Պուտինին հայտնել է, որ Անկարան շարունակելու է ջանքեր գործադրել Ուկրաինայում խաղաղություն հաստատելու համար: Թուրքիայի նախագահը նաև ռուս գործընկերոջը հրավիրել է Թուրքիա։
Ավելի վաղ Կրեմլում խոսել էին ՌԴ -ի և Թուրքիայի միջև չլուծված խնդիրների մասին:
