Օրբանը Պուտինի հետ հանդիպումից հետո գրառում է կատարել

Հունգարիայի վարչապետ Վիկտոր Օրբանը ՌԴ նախագահ Վլադիմիր Պուտինի հետ հանդիպումից հետո գրառում է կատարել, որում կոչ է արել խաղաղության հասնել Ռուսաստանի և Ուկրաինայի միջև հակամարտությունում: Այս մասին նա գրել է Facebook-ի իր էջում։

«Խաղաղությունն այն է, ինչին պետք է հասնել», — ասվում է հաղորդագրության մեջ:

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Օրբանը Մոսկվա է ժամանել իր նախաձեռնությամբ:

Օրբանն աշխատանքային այցով Մոսկվա է ժամանել հուլիսի 5-ին: Վարչապետը մտադիր է Պուտինի հետ քննարկել Ուկրաինայում հակամարտության կարգավորման ուղիները։

Հուլիսի 2-ին Հունգարիայի վարչապետն այցելել է Կիև, որտեղ Ուկրաինայի նախագահ Վլադիմիր Զելենսկուն առաջարկել է հակամարտության կարգավորման խաղաղ ծրագիր։ Մասնավորապես, Օրբանը կոչ է արել Ուկրաինային դադարեցնել ռազմական գործողությունները, իսկ հետո նստել բանակցությունների սեղանի շուրջ։