Կրեմլում հայտարարել են, որ Օրբանը Պուտինին չի փոխանցել Զելենսկու ուղերձը
Ռուսաստանի նախագահ Վլադիմիր Պուտինը եւ Հունգարիայի վարչապետ Վիկտոր Օրբանը «անկեղծ» զրույց են ունեցել, Ուկրաինայի հակամարտության հարցը եղել է հիմնական թեմաներից մեկը, հայտարարել է Ռուսաստանի նախագահի օգնական Յուրի Ուշակովը, փոխանցում է ՏԱՍՍ-ը։
Ուշակովի խոսքով՝ Օրբանը Ռուսաստանի նախագահին չի փոխանցել Ուկրաինայի առաջնորդ Վլադիմիր Զելենսկու ուղերձը, որի հետ նա հանդիպել է Կիևում հուլիսի 2-ին։
Պուտինը և Օրբանը քննարկել են նաև երկկողմ հարաբերությունները, հավելել է նախագահի օգնականը:
