Բայդենը հայտարարել է, որ քնի կարիք ունի

Բայդենը նահանգապետերի հետ հանդիպման ժամանակ հայտարարել է, որ քնելու կարիք ունի

ԱՄՆ նախագահ Ջո Բայդենը հայտարարել է, որ պետք է ավելի շատ քնել և ավելի քիչ աշխատել: Այս մասին նա ասել է դեմոկրատ նահանգապետերի հետ հանդիպման ժամանակ, հայտնում է The New York Times-ը՝ վկայակոչելով իր աղբյուրները։

Պարբերականի տվյալներով՝ նախագահը մտադիր է ժամը 20:00-ից հետո հրաժարվել պաշտոնական աշխատանքային միջոցառումներից, միևնույն ժամանակ Բայդենը նահանգապետերին վստահեցրել է, որ ինքը «մնում է մրցավազքում»:

Բայդենը հայտարարել է, որ Դոնալդ Թրամփի հետ բանավեճում իր անհաջող ելույթը պայմանավորված է եղել արտասահմանյան խոշոր ուղևորություններից հետո գերհոգնածությամբ: 

Աշխատանքային ժամերը կրճատելու անհրաժեշտության մասին Միացյալ Նահանգների նախագահի հայտարարությունը հաստատել է CNN-ը: Հեռուստաալիքի փոխանցմամբ՝ Բայդենը «հիասթափեցրել է» մի քանի նահանգապետերի։

Բայդենի և Թրամփի բանավեճը տեղի է ունեցել 2024 թվականի հունիսի 27-ին Ատլանտում (Ջորջիա նահանգ) CNN -ի ստուդիայում։ Հեռուստաալիքի հեռուստադիտողները հաղթանակը շնորհել են հանրապետականին, իսկ դեմոկրատական կուսակցության անդամներն ու հովանավորները մտածել են առաջիկա ընտրություններում թեկնածուին փոխարինելու մասին: Ինքը՝ Բայդենը, խոստովանել է, որ իր ելույթն անհաջող էր, սակայն հրաժարվել է դուրս գալ ընտրություններից։

ԱՄՆ նախագահի ընտրությունները տեղի կունենան նոյեմբերի 5-ին: Պաշտոնապես Բայդենը և Թրամփը դեռ չեն առաջադրել կուսակցություններին որպես իրենց թեկնածուներ, սակայն երկուսն էլ հավաքել են իրենց կուսակցությունների պատվիրակների անհրաժեշտ թվով ձայներ: