Թուրքիան կշարունակի ջանքեր գործադրել խաղաղության հաստատման համար․ Էրդողան

Ուկրաինայի հակամարտությունը կարելի է կանգնեցնել ամուր խաղաղ հիմքի առկայության դեպքում։ Այս մասին Թուրքիայի նախագահ Ռեջեփ Թայիփ Էրդողանը հայտարարել է Բելառուսի նախագահ Ալեքսանդր Լուկաշենկոյի հետ բանակցությունների ժամանակ, հայտնում է ՌԻԱ Նովոստին՝ վկայակոչելով Թուրքիայի նախագահի գրասենյակը։

Երկու պետությունների ղեկավարները հանդիպմանը քննարկել են Անկարայի և Մինսկի երկկողմ հարաբերությունները, ուկրաինական հակամարտության հետևանքները, ինչպես նաև տարածաշրջանային և գլոբալ հարցեր:

Էրդողանը հայտարարել է, որ անհրաժեշտ է քայլեր ձեռնարկել Ուկրաինայի եւ Ռուսաստանի միջեւ շարունակվող պատերազմը դադարեցնելու համար, եւ որ ինքը հավատում է, որ կոնֆլիկտը կարելի է կանգնեցնել, եթե ստեղծվի ամուր խաղաղ հիմք:

Էրդողանի խոսքով՝ Թուրքիան կշարունակի ջանքեր գործադրել խաղաղության հաստատման համար, և որ այդ առումով կշարունակվեն անկեղծ շփումները Ռուսաստանի և Ուկրաինայի հետ:

Հուլիսի 4-ին ՌԴ նախագահ Վլադիմիր Պուտինը Աստանայում Շանհայի համագործակցության կազմակերպության (ՇՀԿ) գագաթնաժողովում հայտարարել է, որ Ուկրաինայում ճգնաժամն առաջացել է ԱՄՆ-ի և նրա դաշնակիցների անթաքույց քաղաքականության պատճառով, Իսկ Ռուսաստանը միշտ կողմ է եղել իրավիճակի խաղաղ կարգավորմանը:

Նրա խոսքով՝ Ուկրաինայի հակամարտության կարգավորման Մոսկվայի առաջարկած ծրագիրը թույլ կտա դադարեցնել ռազմական գործողությունները և անցնել բանակցությունների, եթե ուկրաինական իշխանություններն ու Արևմուտքը պատրաստ լինեն երկխոսության: