ՏԵՍԱՆՅՈՒԹ. Ավստրալիայում պաղեստինամետ ակտիվիստները բարձրացել են խորհրդարանի տանիք

Ավստրալիայի մայրաքաղաք Կանբերայում պաղեստինամետ ցուցարարներին տեսել են խորհրդարանի շենքի տանիքին, հաղորդում է Sky News-ը:

«Մի խումբ պաղեստինամետ ցուցարարներ բարձրացել են երկրի ամենահայտնի շենքերից մեկի տանիքը»,- ասվում է հրատարակության մեջ։

Հեռուստաալիքի տվյալներով՝ առնվազն չորս ցուցարարի են տեսել  խորհրդարանի տանիքին։ Նրանք բոլորը դիմակներով էին։

Ակտիվիստները տանիքին կախել են մեծ սև և սպիտակ պաստառ՝ «խաղաղություն չի կարող լինել գողացված հողին» և «Պաղեստինը կազատվի գետից մինչև ծով» կարգախոսներով։

«Ցուցարարները նաև մոտ կես տասնյակ թղթե ինքնաթիռներ են պատրաստել, որոնց վրա գրված են եղել կարգախոսներ և դրանք տանիքից շպրտել լրատվամիջոցների ուղղությամբ»,- հավելել են գրառման հեղինակները։