Մակրոնին խորհուրդ են տվել լռել ընտրությունների ձախողումից հետո

Ֆրանսիայի նախագահի դաշնակիցները նրան խորհուրդ են տվել դադարեցնել նախընտրական քարոզարշավը Ֆրանսիայում խորհրդարանական ընտրությունների առաջին փուլում իր կոալիցիայի ձախողումից հետո:

Այս մասին գրում է Politico թերթը՝ հղում անելով իր աղբյուրներին։

«Նրան ասել են դադարեցնել նախընտրական քարոզարշավը. Եվ բանն այն չէ, որ նա լսել է մեր ուղերձը, ավելի շուտ նրան ստիպել են լսել», — պարբերականը մեջբերում է ֆրանսիական «Վերածնունդ» կուսակցության անանուն ներկայացուցչի խոսքերը։

Ինչպես ընդգծում է թերթը, «իրականությունն այն է, որ նրա դաշնակիցները չեն ցանկանում, որ նա մասնակցի նախընտրական քարոզարշավին»:

Ֆրանսիայում խորհրդարանական ընտրությունների առաջին փուլի առաջատարը Մարին Լը Պենի «Ազգային միավորումն» է։ Երկրորդ տեղում ձախ ուժերի դաշինքն է, իսկ ուժեղագույնների եռյակը եզրափակում Է Էմանուել Մակրոնի իշխող դաշինքը։ Սակայն վճռորոշ պայքարը սպասվում է երկրորդ փուլում, որը կկայանա հուլիսի 7-ին։ Դրա արդյունքը կարող է լինել ինչպես խորհրդարանի անցումը ուլտրաաջերի վերահսկողության տակ, այնպես էլ լիակատար քաոսը Ազգային ժողովում։ Միևնույն ժամանակ, ֆրանսիացիներն արդեն նշել են քվեարկության արդյունքները բողոքի ցույցերով և ջարդերով: 

Ավելի վաղ ԶԼՄ-ները հայտնել էին խորհրդարանական ընտրություններից հետո Մակրոնի «անհետացման» մասին: