«ՌԴ-ի և Թուրքիայի միջև մնում են չլուծված հարցեր». Պեսկով
Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հուլիսի 3-ին կայանալիք բանակցություններում հավանաբար կքննարկեն նաև Ուկրաինայում տիրող իրավիճակը: Այդ մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:
«Երկկողմ հանդիպումը բավականին երկար է լինելու՝ առնվազն մեկ ժամ: Իհարկե, այնտեղ խոսք է գնալու բոլոր հարցերի մասին, որոնք փոխադարձ հետաքրքրություն են ներկայացնում։ Առաջին հերթին դա երկկողմ հարաբերություններն են, բայց սիրիական, ուկրաինական հարցերին նախագահները դժվար թե չանդրադառնան։ ՌԴ-ի և Թուրքիայի միջև մնում են չլուծված հարցեր, բայց կա քաղաքական կամք՝ կարգավորելու դրանք», - նշել է Պեսկովը։
