Էրդողանը Պուտինին Թուրքիա է հրավիրել
Շանհայի համագործակցության կազմակերպության գագաթնաժողովի բացման արարողությունից առաջ Ռուսաստանի նախագահ Վլադիմիր Պուտինը Աստանայում երկկողմ հանդիպում է անցկացրել Թուրքիայի նախագահ Ռեջեփ Թայիբ Էրդողանի հետ։
Ինչպես հայտնում է «Ռիա Նովոստի»-ն, հանդիպման ժամանակ Էրդողանը Պուտինին կրկին հրավիրել է Թուրքիա։
«Անհամբեր սպասում եմ՝ որքան հնարավոր է շուտ Ձեզ ողջունելու մեր երկրում»,- դիմելով Վլադիմիր Պուտինին, ասել է Էրդողանը։
Ռուսաստանի նախագահն ի պատասխան նշել է, որ կայցելի Թուրքիա։ Հստակ ժամկետներ չեն նախանշվել, սակայն, ըստ հրապարակման, այցը հնարավոր է՝ կայանա մոտ ապագայում։
