Առաջիկայում մենք նրանց հետ պետք է համաձայնագիր ստորագրենք․ Իրանից հայտարարություն են արել
Իրանի եւ Ռուսաստանի ռազմատեխնիկական համագործակցությունը շարունակվում է, դրա համար որեւէ խոչընդոտ չկա։ Այս մասին Financial Times թերթի հարցազրույցում հայտնել է Իրանի հոգեւոր առաջնորդ, այաթոլա Ալի Խամենեիի խորհրդական և Իրանի միջազգային հարաբերությունների ռազմավարական խորհրդի ղեկավար Քամալ Խարազին։
«Իրանի եւ Ռուսաստանի միջեւ սպառազինությունների վերաբերյալ գործարքների կնքման խոչընդոտներ չկան»,- նշել է նա։ Խարազիի խոսքով՝ Թեհրանն արդեն բանակցություններ վարել է ռուսական կործանիչներ ձեռք բերելու մասին։
«Իսկ առաջիկայում մենք պետք է ստորագրենք նրանց հետ ռազմավարական համապարփակ համաձայնագիր»,- ավելացրել է խորհրդականը։
Խարազին նաեւ հերքել է հերթական մեղադրանքներն Իրանի հասցեին Ռուսաստանին անօդաչուներ վաճառելու մեջ՝ ընդգծելով, որ դրանք սուտ են։
