Թուրքիայի ընդդիմության առաջնորդը Ռուսաստանում կհանդիպի Պուտինի հետ
Թուրքիայի ընդդիմադիր Հանրապետական ժողովրդական կուսակցության առաջնորդ Օզգյուր Օզելը հաջորդ շաբաթ կարող է հանդիպել Ռուսաստանի նախագահ Վլադիմիր Պուտինի հետ՝ իր շրջագայության շրջանակներում: Այս մասին քաղաքական գործիչը պատմել է լրագրող Ֆաթիհ Ալթայլիին տված հարցազրույցում։
«Հաջորդ շաբաթ նախատեսում եմ մասնակցել Եվրոպայի սոցիալիստական կուսակցությունների առաջնորդների համագումարին Բուխարեստում։ Հանդիպումներ նախատեսված են ոչ միայն Եվրոպայի առաջնորդների հետ, այլ մենք կմեկնենք Ռուսաստան, Պեկին։ Մենք կհանդիպենք Պուտինի հետ, նույնպես արդեն հրավեր ենք ստացել և կմեկնենք Չինաստան, ինչպես նաև Բրազիլիա, որտեղ կհանդիպենք նախագահ (Լուլա) դա Սիլվայի հետ։ Մենք կհանդիպենք սոցիալ-դեմոկրատների առաջնորդների և այն առաջնորդների հետ, որոնց հետ Թուրքիան սերտ հարաբերություններ ունի», - ասել է Օզելը։
Ռուսաստանում այս տեղեկությունը դեռ չեն մեկնաբանել.
Օզգյուր Օզելը նախկինում բազմիցս արտահայտվել է Ռուսաստանի և Թուրքիայի հարաբերությունների մասին։ Մասնավորապես, նա հանդես է եկել Ռուսաստանի դեմ պատժամիջոցներին չմիանալու Անկարայի քաղաքականության աջակցությամբ, ինչպես նաեւ ճիշտ է համարել Մոնտրյոյի կոնվենցիայի պահպանումը՝ թուրքական նեղուցներ ռազմանավեր թույլ չտալու մասին։
