Ովքեր են Բայդենի համար որոշումներ կայացնում. Axios

Բայդենի համար բոլոր որոշումները կայացնում են նրա երկարամյա կողմնակիցների խումբը, գրում է Axios-ը: Նրանք ապահովել են տարեց թեկնածուի նախընտրական քարոզարշավը, և իրենց որոշելիքն է՝ սկանդալային բանավեճից հետո նա կհրաժարվի ընտրապայքարից թե ոչ:

Նախագահի կինը՝ Ջիլը, նրա կրտսեր քույրը՝ Վալերի Բայդենը և 85-ամյա Թեդ Կաուֆմանը, նրա վաղեմի ընկերն ու մշտական խորհրդականը, գումարած Սպիտակ տան մերձավորների մի փոքր խումբ՝ նրանք և միայն նրանք են որոշումներ կայացնում Բայդենի փոխարեն:

«Նրանք հասկանում են, որ սա աղետ է», - ասում է ընտանիքին մոտ կանգնած աղբյուրը: «Բայց նրանք կարծում են, որ դեռևս գոյատևման հույս կա»:

Առաջատար դեմոկրատները չեն կիսում այս լավատեսությունը։ «Այժմ խոսքը միայն Ջո Բայդենի ընտանիքի կամ նրա զգացմունքների մասին չէ: Հիմա սա մեր ամբողջ երկրի խնդիրն է։ Սա կատարյալ խառնաշփոթ է, որը մենք պետք է կարգավորենք։ Հավատարմությունը չպետք է կույր լինի»,-նշել է աղբյուրը: