Ռուսաստանն «Իսկանդերով» հարվածել է Օդեսայի շրջանին․ հայտնում են Ուկրաինայից
Ռուսական զորքերը հունիսի 28-ին հարձակվել են Օդեսայի շրջանի վրա։ Այս մասին հայտնում է РБК-Украина-ն՝ հղում կատարելով Ուկրաինայի հարավի պաշտպանության ուժերին։
«Այսօր կեսօրին հակառակորդը բալիստիկ հրթիռային հարված է հասցրել, ենթադրաբար, «Իսկանդեր-Մ»-ով Օդեսայի շրջանին», – ասվում է հաղորդագրության մեջ։
Ըստ զինվորականներ՝ հարվածի հետևանքով հրդեհվել է ցորենի արտ։
«Հրդեհը մարվում է, ավերածությունների կամ տուժածների մասին տեղեկություններ չկան», – ասված է հաղորդագրության մեջ։
