Իրանում մեկնարկել են արտահերթ նախագահական ընտրությունները

Հունիսի 28-ին Իրանում արտահերթ նախագահական ընտրություններ են։ Նախագահի պաշտոնը երկրորդ ամենաբարձր պաշտոնն է երկրում, որի գերագույն առաջնորդը այաթոլլա Ալի Խամենեին է 1989 թվականից։

2021 թվականին ընտրված Իրանի նախկին նախագահ Էբրահիմ Ռաիսին մահացել է 2024 թվականի մայիսին ուղղաթիռի վթարից։

Իրանի նախագահի պաշտոնի համար պայքարում է Սահմանադրության պահապանների խորհրդի կողմից հաստատված 6 թեկնածու՝ բաղկացած տասներկու իսլամական հոգևորականից ու իրավաբանից։ Նախագահի հավակնորդները երեք շաբաթից էլ քիչ ժամանակ ունեին ողջ երկրում հեռուստաբանավեճերի և նախընտրական արշավների միջոցով ընտրողներին գրավելու համար:

83,5 միլիոն իրանցիներից ընտրելու իրավունք ունի 61 միլիոնը։ Սակայն վերջին հարցումների համաձայն՝ նրանցից ավելի քան 30 միլիոնը չի ցանկանում գնալ ընտրություններին։ Դիտորդները դա կապում են հակառակորդների նկատմամբ իշխանությունների քաղաքական ճնշումների, ինչպես նաև տնտեսական ճգնաժամի և վերջին տասնամյակների ընթացքում բարեփոխումների անհաջող փորձերի հետևանքով առաջացած հիասթափության հետ: