Նոյեմբերի ընտրություններում ԱՄՆ նախագահ Ջո Բայդենի հաղթանակը կհանգեցնի նրան, որ երկիրը կդադարի գոյություն ունենալ։ Այս մասին հայտարարել է Ամերիկայի նախկին առաջնորդ Դոնալդ Թրամփը՝ հինգշաբթի երեկոյան ելույթ ունենալով Ատլանտայում այս տարվա առաջին նախընտրական հեռուստաբանավեճի ժամանակ։

«Եթե նա հաղթի այս ընտրություններում, մեր երկիրը նույնիսկ հնարավորություն չի ունենա դուրս գալ դրանից։ Մեզ երեւի երկիր չի մնա։ Ամեն ինչ այնքան վատ է: Նա պատմության մեջ ամենավատ նախագահն է»,- ասել է Թրամփը։

Ըստ Բայդենի՝ Թրամփը պատմության մեջ ամենավատ ամերիկյան առաջնորդն է եղել։ «Սա փաստ է, սա շահարկում չէ», - պնդել է Բայդենը՝ վկայակոչելով սոցիոլոգիական հարցումները:

Թրամփն արձագանքել է՝ ասելով, որ հարցումները հակառակն են ցույց տալիս։ «Հենց բայդենն է գնահատվել է որպես վատագույնը։ Ես գնահատվում եմ որպես լավագույններից մեկը»,- ​​վստահեցրել է հանրապետականը։ Բայդենը խնդրել է այդ վարկանիշների օրինակները։ «Ես ձեզ ցույց կտամ, ցույց կտամ», - խոստացել է Թրամփը։ «Նա պատմության մեջ ամենավատ նախագահն է, և բոլորը դա գիտեն», - եզրափակել է Թրամփը:

ԱՄՆ-ի պատմության մեջ առաջին հեռուստաբանավեճը ներկայիս և նախկին նախագահի միջև տեղի է ունեցել Ատլանտայում։ Բացի այդ, առաջին անգամ հեռուստաբանավեճեր անցկացվեցին հունիսին՝ նոյեմբերին կայանալիք նախագահական ընտրություններից չորս ամիս առաջ։