Ամեն դեպքում մենք պետք է արձագանքենք դրան․ Պուտին

ԱՄՆ-ի կողմից իր միջին և փոքր հեռահարության հրթիռների տեղակայումն աշխարհի տարբեր տարածաշրջաններում անհանգստություն է առաջացնում Ռուսաստանի մոտ և արձագանք է պահանջում։ Մոսկվան կարող է սկսել ՄՓՀՀ-ների արտադրությունը և հետագայում, հնարավոր է, դրանց տեղակայումը, հայտարարել է ՌԴ նախագահ Վլադիմիր Պուտինը Անվտանգության խորհրդի մշտական անդամների հետ օպերատիվ խորհրդակցության ժամանակ:

«Այսօր հայտնի է, որ ԱՄՆ -ն ոչ միայն արտադրում է այդ հրթիռային համակարգերը, այլև դրանք արդեն Եվրոպա է բերել զորավարժությունների՝ Դանիա, և ահա բոլորովին վերջերս հայտարարվեց, որ դրանք գտնվում են Ֆիլիպիններում։ Հայտնի չէ ՝ նրանք այդ հրթիռներն այնտեղից հանել են, թե ոչ», - պարզաբանել է պետության ղեկավարը։

«Ամեն դեպքում մենք պետք է արձագանքենք դրան եւ որոշումներ կայացնենք այն մասին, թե ինչ պետք է անենք այդ ուղղությամբ հետագայում»,- հավելել է նա:

«Ըստ ամենայնի, մենք պետք է սկսենք այդ հարվածային համակարգերի արտադրությունը եւ հետո, ելնելով ստեղծված իրադրությունից, որոշումներ կայացնենք այն մասին, թե որտեղ, եթե դա անհրաժեշտ լինի մեր անվտանգությունն ապահովելու համար, դրանք տեղակայել», - ասել է նա։