ՌԴ-ից նշում են՝ միգրացիոն քաղաքականությունը փոփոխությունների կարիք ունի

Ռուսաստանի միգրացիոն քաղաքականությունը փոփոխությունների կարիք ունի, Պետերբուրգյան միջազգային իրավական ֆորումի շրջանակներում հայտարարել է Ռուսաստանի Քննչական կոմիտեի նախագահ Ալեքսանդր Բաստրիկինը:

«Կարծում եմ՝ ամենակարևորը Ռուսաստանի միգրացիոն քաղաքականությունը փոխելն է, անհրաժեշտությունը հաստատ հիմնավորելը, իսկ գուցե նույնիսկ ընդհանրապես այնպես անելը, որ ներքին ռեսուրսները լուծեն իրենց քաղաքական, տնտեսական, ազգային և այլ խնդիրները», — Բաստրիկինի խոսքերն է մեջբերում ՌԻԱ Նովոստին:

Ֆորումի շրջանակներում Բաստրիկինը նաև նշել է ձերբակալված միգրանտների թիվը, որոնք ստացել են Ռուսաստանի քաղաքացիություն և չեն ցանկանում զինվորական հաշվառման կանգնել: Նրա խոսքով՝ ստուգայցերի ընթացքում ձերբակալվել է ավելի քան 30 հազար մարդ, մոտ 10 հազար միգրանտ՝ Ռուսաստանի քաղաքացիությամբ, դարձել են Ուկրաինայում ռազմական գործողության մասնակից:

ՔԿ ղեկավարը նշել է, որ Ռուսաստանում գտնվող օտարերկրացիների ճշգրիտ թիվը մնում է անհայտ: Միևնույն ժամանակ, 2023 թվականին Ռուսաստանում միգրանտների կողմից կատարված ծանր հանցագործությունների թիվն աճել է 32% -ով, առանձնապես ծանր հանցագործությունների թիվը՝ 26% -ով, ծայրահեղական բնույթի հանցագործությունները՝ 147%-ով, որոնք կապված են թմրանյութերի ապօրինի շրջանառության հետ՝ 27% -ով։