ՌԴ-ին բացառող նախաձեռնությունները ցանկալի արդյունքներ չեն բերի․ Էրդողան
Ուկրաինական հակամարտության կարգավորման նախաձեռնությունները, որոնք անտեսում են Ռուսաստանը, ցանկալի արդյունքների չեն հանգեցնի, հայտարարել է Թուրքիայի նախագահ Ռեջեփ Թայիփ Էրդողանը:
«Էստոնիայի նախագահի հետ մեր բանակցությունների ընթացքում մենք քննարկել ենք Ուկրաինայի պատերազմը։ Ես ևս մեկ անգամ ընդգծել եմ, որ մենք աջակցում ենք Ուկրաինայի տարածքային ամբողջականությանը և ինքնիշխանությանը։ Միայն դիվանագիտական ճանապարհով կարելի է արագ դադարեցնել ավերածությունները և հասնել արդար և վերջնական լուծման»,-հայտարարել է Թուրքիայի ղեկավարը հինգշաբթի օրը Անկարայում էստոնացի գործընկերոջ հետ մամուլի ասուլիսի ժամանակ։
Նրա խոսքով՝ Անկարան շարունակում է աշխատել կողմերի հետ։
«Ռուսաստանին բացառող նախաձեռնությունները ցանկալի արդյունքներ չեն բերի», - հավելել Է Էրդողանը:
